Tuesday, December 24, 2024
Latest:

অসমীয়াত | AXOMIYAT

Technological Info & Help in simple Assamese Language | সহজ অসমীয়া ভাষাত প্ৰযুক্তি বিষয়ৰ তথ্য আৰু সহায়

COMPUTING TRICKS & TIPS 

লেপটপ প্ৰাথমিক মেৰামতি: অত্যাৱশ্যকীয় টিপচ্ আৰু কৌশল

985 Comments

বৰ্তমান সময়ত লেপটপ আমাৰ জীৱনৰ এক অবিচ্ছেদ্য অংগ। কাৰ্যালয়েই হওক অথবা ব্যক্তিগত কাম-কাজ, যোগাযোগ আৰু মনোৰঞ্জনৰ বাবে অপৰিহাৰ্য আহিলা এই লেপটপ। কিন্তু যিকোনো ইলেক্ট্ৰনিক ডিভাইচৰ দৰেই লেপটপ সমস্যা বা বিজুতিৰ সন্মুখীন হোৱাটো স্বাভাৱিক। লেপটপৰ সাধাৰণ সমস্যাসমূহ মেৰামতি কেনেকৈ কৰিব লাগে সেয়া জানিলে আপোনাৰ সময় আৰু ধন ৰাহি কৰিব পাৰিব। এই ব্লগ পোষ্টত আমি লেপটপ মেৰামতিৰ প্ৰাথমিক দক্ষতাৰ এক আভাস দিম, যিয়ে আপোনাৰ ডিভাইচটো মসৃণভাৱে চলাবলৈ সহায় কৰিব।

সুৰক্ষা প্ৰথম

যিকোনো লেপটপ মেৰামতি আৰম্ভ কৰাৰ আগতে সুৰক্ষাক অগ্ৰাধিকাৰ দিয়াটো অতি গুৰুত্বপূৰ্ণ। সদায় লেপটপ ছাটডাউন কৰক, চাৰ্জাৰ আনপ্লাগ কৰক আৰু সম্ভৱ হ’লে বেটাৰী খুলি লওক। ইলেক্ট্ৰষ্টেটিক ডিচাৰ্জৰ পৰা হাত সাৰিবলৈ পৰিষ্কাৰ আৰু ষ্টেটিক-মুক্ত পৃষ্ঠত মেৰামতিৰ কাম কৰাটো নিশ্চিত কৰক।  ইলেক্ট্ৰষ্টেটিকে লেপটপৰ সংবেদনশীল উপাদানসমূহৰ স্থায়ী ক্ষতি কৰিব পাৰে।

ডাটা বেকআপ

কোনো উল্লেখযোগ্য মেৰামতি বা চফ্টৱেৰ সংস্থাপনৰ চেষ্টা কৰাৰ আগতে গুৰুত্বপূৰ্ণ তথ্যৰ বেকআপ লোৱাটো গুৰুত্বপূৰ্ণ । ফাইলসমূহ আৰু দস্তাবেজসমূহ সুৰক্ষিত কৰিবলৈ বাহ্যিক সংৰক্ষণ ডিভাইচ যেনে পেনড্ৰাইভ, এক্সটাৰনেল হাৰ্ডড্ৰাইভ বা ক্লাউড-ভিত্তিক সেৱা যেনে জি-ড্ৰাইভ, ৱান ড্ৰাইভ আদি ব্যৱহাৰ কৰক।

প্ৰথমে সমস্য়া চিনাক্ত কৰক

মেৰামতি কৰাৰ আগতে সমস্য়া নিৰ্ণয় কৰাটো আটাইতকৈ দৰকাৰী। যেনে লেপটপটো অন হোৱা নাই নেকি? ডিছপ্লেৰ সমস্যা, কিবৰ্ড সমস্যা, বা চফ্টৱেৰত কিবা গ্লিচ আছে নেকি? নিৰ্দিষ্ট সমস্যাটো বুজিলে আপোনাৰ সমস্যা সমাধান প্ৰক্ৰিয়া সহজ হৈ উঠিব।

মূল হাৰ্ডৱেৰ পৰীক্ষা

আটাইতকৈ সহজ পৰীক্ষাৰ পৰা আৰম্ভ কৰক। সকলো কেবোল আৰু সংযোগসমূহ সুৰক্ষিত আৰু সঠিকভাৱে প্লাগ-ইন কৰা সুনিশ্চিত কৰক। কোনো ক্ষতি বা ঢিলা সংযোগৰ বাবে পাৱাৰ এডাপটাৰ পৰীক্ষা কৰক। বেটাৰীটো ফুলা বা ক্ষতিৰ লক্ষণৰ বাবে পৰীক্ষা কৰক। এইবোৰৰ বাবেও বহু সমস্য়া দেখা দিয়ে যাৰ বাবে এইবোৰ সলনি কৰাৰ প্ৰয়োজন হ’ব পাৰে।

ছফ্টৱেৰ সমস্যা সমাধান

বহুতো লেপটপৰ সমস্যা ছফ্টৱেৰৰ সৈতে জড়িত হ’ব পাৰে। এপ্লিকেচন, প্ৰগাম আৰু ড্ৰাইভাৰসমূহক শেহতীয়া সংস্কৰণলৈ আপডেট কৰক। অপ্ৰয়োজনীয় প্ৰগ্ৰামসমূহ বা ৱেব ব্ৰাউজাৰ (Chrome, Edge, Firefox ইত্যাদি)ৰ এক্সটেনছনসমূহ ৰিমোভ কৰক। এটা ভাল এন্টিভাইৰাছ ছফ্টৱেৰ ব্যৱহাৰ কৰি মেলৱেৰ আৰু ভাইৰাছৰ বাবে স্কেন কৰক। যদি আপুনি জেনিউন উইণ্ডজৰ লেপটপ ব্যৱহাৰ কৰি আছে তেন্তে উইণ্ডজ আপেডট ৰাখক। উইণ্ডজ ছিকিউৰিটি অথবা উইণ্ডজ ডিফেণ্ডাৰ শেহতীয়া আপডেট নিশ্চিত কৰক। কোনো নতুন অথবা শক্তিশালী ভাইৰাচৰ দ্বাৰা ইনফেকটেড নহলে উইণ্ডজৰ লগত থকা এই ছফটেৱেৰে আপোনাৰ লেপটপ ভাইৰাছ মুক্ত কৰি ৰাখিব। যদি লেপটপ শ্ল’ বা ফ্ৰীজ হৈ আছে, অপ্ৰয়োজনীয় তথা অস্থায়ী ফাইলসমূহ ডিলিট কৰক। ডিস্ক ক্লিন (disk cleanup) কৰি ডিস্ক ডিফ্ৰেগমেনটেছন (disk defragmentation) ৰান কৰক।

অপাৰেটিং ছিচটেমৰ মেৰমতি

উইণ্ড’জ এটা জটিল অপাৰেটিং চিষ্টেম। গতিকে বিভিন্ন কাৰণত ইয়াৰ সমস্যা হ’ব পাৰে। বিসঙ্গতিপূৰ্ণ চফ্টৱেৰ ইনষ্টল কৰা, ভাইৰাছ বা মেলৱেৰৰ দ্বাৰা সংক্ৰমিত হোৱা, হাৰ্ডৱেৰ ফেইল হোৱা, পাৱাৰ চাৰ্জ, ভুল ব্যৱহাৰ আদিয়েই ইয়াৰ প্ৰধান কাৰণ। যদি আপুনি নিশ্চিত যে Windows অপাৰেটিং চিষ্টেমে সঠিকভাৱে কাম কৰা নাই, তেন্তে ইয়াক কেনেকৈ মেৰামতি কৰিব পাৰি সেই বিষয়ে আন এটা ব্লগত পুংখানুপুংখভাৱে আলোচনা কৰা হৈছে। ইয়াত ক্লিক কৰি লেখাটো পঢ়িব পাৰিব।

কিবৰ্ড আৰু টাচপেড সমস্যা

যদি কিবৰ্ড বা টাচপেড সঁহাৰি নিদিয়া বা বিকল হয়, ই ঢিলা সংযোগ বা ড্ৰাইভাৰৰ কনফ্লিক্টৰ বাবে হ’ব পাৰে। সংযোগ কেবোলসমূহ পৰীক্ষা কৰক আৰু কিবৰ্ড আৰু টাচপেড ড্ৰাইভাৰসমূহ আপডেট কৰক। প্ৰয়োজন হ’লে, কিবৰ্ড বা টাচপেড সলনি কৰাৰ কথা চিন্তা কৰক।

ডিছপ্লেৰ সমস্যা

ডিছপ্লে সম্পৰ্কীয় সমস্যা যেনে ফ্লিকাৰিং, বিকৃত ছবি (distorted images)বা এটা খালী ডিছপ্লে (blank or black screen)বাবে, ডিছপ্লে কেবোলৰ সংযোগসমূহ পৰীক্ষা কৰক। ব্ৰাইটনেছ ছেটিংছ এডজাষ্ট কৰক আৰু গ্ৰাফিক্স ড্ৰাইভাৰ আপডেট কৰক। ফিজিকেল ক্ষতি বা ত্ৰুটিপূৰ্ণ ডিছপ্লেৰ ক্ষেত্ৰত পেছাদাৰী ব্যক্তিৰ পৰামৰ্শ লোৱাটো অৱশ্যে প্ৰয়োজনীয়।

প্ৰাথমিক চাফাই

লেপটপৰ ভিতৰত ধূলি-মাকতি ইত্যাদি জমা হ’ব পাৰে। ফলত ইয়াৰ কাৰ্য্যক্ষমতাত প্ৰভাৱ পৰাৰ লগতে অধিক উত্তাপৰ সৃষ্টি হ’ব পাৰে। কুলিং ভেণ্ট, কিবৰ্ড আদি লাহে লাহে পৰিষ্কাৰ কৰিবলৈ কম্প্ৰেছড এয়াৰ (এয়াৰ ডাষ্টাৰৰ সহায়ত) ব্যৱহাৰ কৰক। চাফাই প্ৰক্ৰিয়াৰ সময়ত কোনো ধৰণৰ সুক্ষ্ম উপাদানৰ ক্ষতি নহ’বলৈ সাৱধান হওক।

অধিক উত্তাপ

ধূলি জমা হোৱা, ফেনৰ বিসংগতি বা বায়ু চলাচলৰ অভাৱৰ বাবে লেপটপ অতিমাত্ৰা গৰম হ’ব পাৰে। কম্প্ৰেছড এয়াৰ (এয়াৰ ডাষ্টাৰৰ সহায়ত) ব্যৱহাৰ কৰি কুলিং ভেণ্ট আৰু ফেন পৰিষ্কাৰ কৰক। বায়ু প্ৰবাহ উন্নত কৰিবলৈ আৰু অতি উত্তাপ ৰোধ কৰিবলৈ কুলিং পেড ব্যৱহাৰ কৰাৰ কথা চিন্তা কৰক। ইয়াৰ পাছতো যদি লেপটপ অধিক গৰম হৈ থাকে, কুলিং ব্যৱস্থাপ্ৰণালীৰ সমস্যাসমূহ সমাধান কৰিবলৈ পেছাদাৰী সহায়ৰ প্ৰয়োজন হ’ব পাৰে।

হাৰ্ডৱেৰ মেৰামতি

হাৰ্ডৱেৰ সম্পৰ্কীয় সমস্যাৰ বাবে আপুনি আৰু এখোজ আগুৱাই যাব লাগিব। অৱশ্যে হাৰ্ডৱেৰ মেৰামতি পেছাদাৰীসকলৰ ওপৰত এৰি দিয়াটো ভাল। যদিহে আপোনাৰ সক্ষমতা আৰু অভিজ্ঞতাৰ ওপৰত আস্থা আছে তেন্তে আপুনি চেষ্টা কৰিব পৰা কিছুমান প্ৰাথমিক হাৰ্ডৱেৰ মেৰামতিৰ তালিকা এখন তলত উল্লেখ কৰিছো।

  1. এটা ত্ৰুটিপূৰ্ণ বেটাৰী বা পাৱাৰ এডাপ্টাৰ সলনি কৰা
  2. ৰেম (RAM) মডিউল উন্নীতকৰণ সলনি কৰা
  3. বেয়া কিবোর্ড আৰু ট্ৰেকপেড (trackpad) সলনি কৰা
  4. কুলিং ফেনৰ পৰা ধূলি আঁতৰাই পৰিষ্কাৰ কৰা
  5. ভঙা বা ফাটি যোৱা লেপটপ ডিছপ্লে সলনি কৰ
  6. ষ্টৰেজ ডিভাইছ (হাৰ্ডড্ৰিক্স অথবা এছএছডি) সলনি কৰা

পেছাদাৰী সহায় বিচাৰক

যদি আপুনি কোনো সমস্যাৰ সন্মুখীন হয় যিটো আপোনাৰ দক্ষতা স্তৰৰ বাহিৰত বা বিশেষ সঁজুলিৰ প্ৰয়োজন হয়, তেন্তে পেছাদাৰী সহায় বিচৰাটো বুদ্ধিমানৰ কাম।

উপসংহাৰ

লেপটপৰ প্ৰাথমিক সমস্যা মেৰামতিৰ দক্ষতা আহৰণ কৰি আপুনি সময় আৰু ধন ৰাহি কৰিব পাৰে।  মেৰামতিৰ ক্ষেত্ৰত সাৱধানতাৰে কাষ চাপিবলৈ মনত ৰাখিব, আপোনাৰ ডাটাৰ বেকআপ ল’ব। প্ৰয়োজনৰ সময়ত পেছাদাৰী সহায় ল’ব। অলপ জ্ঞান আৰু অনুশীলনৰ সৈতে, আপুনি আপোনাৰ লেপটপ ৰক্ষণাবেক্ষণ আৰু সমস্যা সমাধান কৰাত অধিক আত্মবিশ্বাসী হ’ব পাৰে, ইয়াৰ আয়ুস আৰু কাৰ্য্যক্ষমতা বৃদ্ধি কৰিব পাৰে।

Next: How to speed up your laptop by changing HDD

You May Also Like

বেয়া হোৱা পেনড্ৰাইভ আৰু মেমৰিকাৰ্ড কেনেকৈ ভাল কৰিব?

714

কাৰো সহায় অবিহনে উইণ্ডজ অপাৰেটিং ছিষ্টেম ঠিক কৰক

924

985 thoughts on “লেপটপ প্ৰাথমিক মেৰামতি: অত্যাৱশ্যকীয় টিপচ্ আৰু কৌশল”

Leave a Reply

Your email address will not be published. Required fields are marked *